ოსტინის ავტოდრომზე-Circuit of the Americas ფორმულა 1-ში აშშ-ის გრან პრის კვალიფიკაცია ჩატარდა.
მჭიდრო პაექრობამ ყველა სპეციალისტი განაცვიფრა. მსოფლიოს 2019 წლის ჩემპიონატის მე-19 ეტაპის სასტარტო ბილიკზე ავტომრბოლელები შემდეგნაირად განლაგდნენ.
Mercedes-მა შაბათობით Ferrari-ს დომინირების შეწყვეტა მოახერხა და პირველად, გერმანიის გრან პრის შემდეგ პოულ პოზიცია მოიპოვა, თანაც სეზონში მეხუთე პოული ვალტერი ბოტასის ანგარიშზეა, რომელმაც ამ მაჩვენებლით ლიუის ჰემილტონი ჩამოიტოვა-ბრიტანელს წელს ოთხი კვალიფიკაცია აქვს მოგებული. ფინელს, მინიმალური სხვაობით, სებასტიან ფეტელი ჩამორჩა.
მეორე რიგს ერთმანეთში, Red Bull-ის ლიდერი, მაქს ფერსტაპენი და Ferrari-ს მონეგასკი პილოტი, შარლ ლეკლერი ინაწილებენ.
Racing Point-ის პილოტი, სერხიო პერესი მე-19 იყო, მაგრამ სტარტზე პით-ლეინიდან, მეორე ვარჯიშის დროს აწონვის პროცედურის დარღვევის გამო, გავა.
აშშ-ის გრან პრის კვალიფიკაციის საბოლოო შედეგი:
1.ვალტერი ბოტასი (ფინეთი, Mercedes)-1.32.029
2.სებასტიან ფეტელი (გერმანია, Ferrari)-+0.012
3. მაქს ფერსტაპენი (ჰოლანდია, Red Bull-Honda)-+0.067
4.შარლ ლეკლერი (მონაკო, Ferrari)-+0.108
5.ლიუის ჰემილტონი (დიდი ბრიტანეთი, Mercedes)-+0.292
6.ალექს ელბონი (ტაილანდი, Red Bull-Honda)-+0.519
7.კარლოს საინსი (ესპანეთი, McLaren-Renault)-+0.818
8.ლანდო ნორისი (დიდი ბრიტანეთი, McLaren-Renault)-+1.146
9.დენიელ რიკიარდო (ავსტრალია, Renault)-+1.459
10.პიერ გასლი (საფრანგეთი, Toro Rosso-Honda)-+1.572
11.ნიკო ჰულკენბერგი (გერმანია, Renault)-+1.786
12.კევინ მაგნუსენი (დანია, Haas-Ferrari)-+1.950
13.დანიილ კვიატი (რუსეთი, Toro Rosso-Honda)-+1.960
14.ლენს სთროლი (კანადა, Racing Point-Mercedes)-+2.071
15.რომენ გროჟანი (საფრანგეთი, Haas-Ferrari)-+2.129
16.ანტონიო ჯოვინაცი (იტალია, Alfa Romeo-Ferrari)-+2.197
17.კიმი რაიკონენი (ფინეთი, Alfa Romeo-Ferrari)-+2.340
18.ჯორჯ რასელი (დიდი ბრიტანეთი, Williams-Mercedes)-+3.343
19.რობერტ კუბიცა (პოლონეთი, Williams-Mercedes)-+3.779
20.სერხიო პერესი (მექსიკა, Racing Point-Mercedes)-+3.860
აშშ-ის გრან პრი სტარტს თბილისის დროით 23.10 იღებს.
დააკომენტარეთ ფეისბუქიდან