ლეგენდარული გერმანელი პილოტის, მიხაელ შუმახერის ჯანმრთელობის მდგომარეობა საგრძნობლად გაუმჯობესდა. როგორც მისმა მეგობარმა, ავტოსპორტის საერთაშორისო ფედერაციის (FIA) პრეზიდენტმა, ჟან ტოდტმა აღნიშნა, შუმახერი, ამჯერად, ტელევიზორიდან აგრძელებს F1-ის ყურებას.
“მე ყოველთვის ვერიდები ასეთ განცხადებებს, თუმცა ეს სიმართლეა. მე და მიხაელ შუმახერმა ერთად ვუყურეთ რბოლას შვეიცარიაში, მის სახლში.
მიხაელი საუკეთესო ექიმების ხელშია და კარგადაც გამოიყურება. იგი არ ნებდება და აგრძელებს ბრძოლას.” – განუცხადა ტოდტმა რადიო მონტეკარლოს.
ტოდტის თქმით შუმახერს ჰქონდა მცდელობა კონტაქტში შესულიყო მასთან, რამაც ძალიან დაანაღვლიანა FIA-ს პრეზიდენტი.
მან თქვა: “რა თქმა უნდა, ჩვენი მეგობრობა ვეღარ იქნება ისეთი, როგორიც ოდესღაც იყო, თუმცა, რაც მთავარია, მიხაელი და მისი მთელი ოჯახი აგრძელებენ ბრძოლას.”
შეგახსენებთ, რომ 2013 წელს F1-ის შვიდგზის ჩემპიონმა სრიალის დროს თავის ტვინის უმძიმესი ტრავმა მიიღო და დღემდე იბრძვის გამოსაჯანმრთელებლად. მისი და ოჯახის ინტერესებიდან გადმომდინარე, ინფორმაცია შუმახერის ჯანმრთელობის მდგომარეობის შესახებ ძალიან იშვიათად ვრცელდება.
დააკომენტარეთ ფეისბუქიდან